UNESCO
CIDADE DE FERROL
BENS
RECURSOS
SABER MÁIS
GAL
CAS

UNESCO
CIDADE DE FERROL
BENS
RECURSOS
SABER MÁIS

Cidade Praza

A estrutura urbana do centro de Ferrol segue o antigo concepto de praza da Ilustración en canto aos conceptos de urbanismo, defensas e edificios de control dunha urbe militar. O barrio da Magdalena é o núcleo desta Cidade-Praza desde a súa creación en 1750, configúrase en base a unha retícula ortogonal composta por 44 mazás rectangulares, que no século XX se ampliaron até 54 respectando o trazado de ordenamento militar propio da Idade Moderna.

Porta do Mar de Fontelonga

Cuartel de Nosa Señora das Dores

Reduto do Infante

Reduto de Santiago

Reduto da Malata

Reduto de San Xoán

Capitanía Xeral

Barrio da Magdalena

Alamedas

Igrexa de San Francisco

Concatedral de San Xulián

Hospital da Caridade

Capela do Cemiterio

Fonte de San Roque

Fonte da Fama

Fonte de Churruca

Porta do Mar de Fontelonga

Cuartel de Nosa Señora das Dores

Concatedral de San Xulián

Igrexa de San Francisco

Concello de Ferrol
Praza de Armas, s/n 15402 Ferrol
CIF: P-1503700-E

Teléfono: 981 944 000
informacion@ferrol.es

Porta do Mar de Fontelonga

É a única porta que se conserva do recinto amurallado da Praza de Ferrol. Na orixe accedíase a ela por mar mais hoxe, por mor dos recheos realizados para construír o estaleiro moderno, xa non posúe esta función.

Cuartel de Nosa Señora das Dores

Deseñado para os “batallóns” da Mariña, está situado no monte de Esteiro, ao leste do Arsenal e contiguo, polo oeste, ao estaleiro histórico. A súa planta cadrada ten un gran patio central e tres alturas útiles para a súa habitabilidade.

Reduto do Infante

Esta construción é, en realidade, un anaco da antiga liña defensiva da Cidade Praza. Dela consérvase parte da muralla artilleira e o baluarte que se denominou “reduto” polas súas especiais características formais.

Reduto de Santiago

Deseñada para a liña defensiva da Cidade Praza, ten unhas menores dimensións e calidade que o Reduto do Infante e conserva unicamente á parte do baluarte. A súa construción realizouna Dionisio Sánchez de Aguilera entre 1772 e 1774.

Reduto da Malata

Marca o lugar da antiga costa, polo posterior recheo da enseada da Malata, e conserva soamente as súas ruínas. O deseño é de Dionisio Sánchez de Aguilera e construíse arredor de 1774.

Reduto de San Xoán

Delimita polo oeste a antiga liña defensiva da Cidade Praza e está orientado cara ao espigón-peirao comercial histórico. Modificouno a construción dunha vía férrea no século XX e foi reconstruído en 1937.

Capitanía Xeral

Ten función de mando ao teren desaparecido as antigas Capitanías Xerais dentro da organización orgánica da Armada Española. Hoxe é un edificio dedicado a eventos representativos e culturais.

Barrio da Magdalena

Deseñouse en 1750 respectando a antiga poboación medieval de Ferrol Vello. Construíuse como barrio provisional en Esteiro, xunto ao Estaleiro, e cun barrio central de nova planta artellado e comunicado co Arsenal a través dunha longa Alameda.

Alamedas

Unen o Arsenal e os barrios da cidade e conforman o seu glacis defensivo. Deseñadas xeometricamente e compostas por árbores de ultramar como araucarias e plátanos, Ferrol conta coa Alameda do Parque, a do Túnel, a do Cantón e a de Esteiro.

Igrexa de San Francisco

Este templo é unha réplica dos conventuais do século XVII, aínda que se comezou a construír en 1757 e se rematou en 1790, polo que a súa fachada é de estilo academicista. Ten planta de cruz latina e a súa actual función é a de parroquia castrense.

Concatedral de San Xulián

Exemplo da arquitectura académica española, construírona en 1765 Julián Sánchez Bort e Antonio Bada Navajas e trátase da primeira aparición deste estilo arquitectónico en Galicia. Con planta de cruz grega e atrio, ocupa o equivalente a unha mazá de casas e consérvase con total autenticidade e integridade.

Hospital da Caridade

Hoxe Centro Cultural municipal, foi sede dunha institución benéfica fundada por Dionisio Sánchez de Aguilera en 1782. Rehabilitouse a finais do século XX conservando os valores tipolóxicos de fábrica orixinais.

Capela do Cemiterio

Ten importancia como vestixio de servizo público. O seu deseño como cemiterio de cidade (1806) foi moi temperán debido á moderna normativa de sanidade de 1787, que obrigaba a situar os camposantos fóra da poboación.

Fonte de San Roque

Fonte de tipo mural, situada nas proximidades da igrexa de San Francisco. Construíuse en 1784 e conta cun magnífico escudo da cidade de Ferrol labrado a medio vulto e realizado con perpiaños de granito.

Fonte da Fama

Fonte de tipo obelisco que presenta nos seus catro lados os escudos de España, Galicia, Ferrol e a Mariña, en baixorrelevo. Non conserva o antigo pío e engadíuselle no século XX unha escultura da Fama no remate superior.

Fonte de Churruca

Fonte-cenotafio que, antigamente, tiña pío e catro canos. Compúxose logo do seu traslado aos xardíns da costa da Mella e recorda o mariño morto na batalla de Trafalgar, que lle dá nome.

Vivendas do século XVIII

Estas vivendas seguiron o modelo trazado por Julián Sánchez Bort, casas con muros de carga perimetrais de cantería e grandes vigas de madeira. As súas fachadas presentan tres vans por planta, e chegan a ter tres alturas sobre a baixa.